noor
ليا كام مشاركة : 1436 السن : 35 البلد : مصر المطرب المفضل : عبد الحليم حافظ تاريخ التسجيل : 27/06/2008
| موضوع: اسئلة لا يجب ان تسال (بلهجة مصرية فكاهية) الخميس 06 نوفمبر 2008, 23:42 | |
| اسئلة لا يجب ان تسال (بلهجة مصرية فكاهية)
فيه أسئلة بديهية مالهاش اي لزمة في الدنيا بنتعرّض ليها كل يوم من كل الناس خلـونـــا نشــوف أمثلة
***********
إنت في أوضتك .. على السرير وطافي النور ومتغطي ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
(( أظن ده مش وضع الرقص !!! واضح ان انا هنام
***********
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟
(( لا لسه ))
***********
والعكس : انت لابس هدومك و متأنتك و على سنجة عشرة وحاطط البارفان وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه
(( !!! لاء دا أنا لسه راجع ))
***********
أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟ يقولك : انت رايح الشغل يابيه ؟
(( لا.. العربية واحشاني ))
***********
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟
(( لا.. بتفرّج عليه ))
***********
مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟
(( تقوم رامي الكتاب و تقوله لااااااااء ))
***********
ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟
(( لاء.. هفرطها ))
***********
ولاّ تعالــو شوفو قنواتنا واسئلتهم البديهية البايخة برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟
(( لاء.. طالبها اخنق على نفسي ))
***********
أو مثلا في العيد المذيع : هههههه هههههههه هههههه نتعرّف بيك المواطن : فلان الفلاني المذيع :هههههه هههههه هههههه بتقول ايه للأهل ههه و أصحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه المواطن : أقولهم كل عام وأنتم بخير
(( أكيد يعني مش هيقولهم البقاء لله ))
***********
المذيعة الظريفـة : وياترى بقى هتعملوا ايه العيد ده هتقضوه ازاي ؟ أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة وإنتوا طيبين
(( سبتيله ايه يقوله يارخمة ؟ ))
***********
والأسخف بقى ... الشلل الكبير.. لما المذيعين يكلّموا الاطفال يقول المذيع للطفل : إنت بتحب ماما وبابا ؟
(( يعني أساسي الواد لسه ما طلعلوش عرق الندالة علشان يقول لا | |
|
eslam eldopl
ليا كام مشاركة : 83 السن : 35 البلد : مصر تاريخ التسجيل : 23/06/2008
| موضوع: رد: اسئلة لا يجب ان تسال (بلهجة مصرية فكاهية) الخميس 06 نوفمبر 2008, 23:47 | |
| والله عندك حق يانور اسئلة مش لازم تتسأل خالص وشكرا علي مجهودك دة والف مبروك كمان مرة | |
|
noor
ليا كام مشاركة : 1436 السن : 35 البلد : مصر المطرب المفضل : عبد الحليم حافظ تاريخ التسجيل : 27/06/2008
| موضوع: رد: اسئلة لا يجب ان تسال (بلهجة مصرية فكاهية) الجمعة 07 نوفمبر 2008, 00:58 | |
| شكرا لردك يا اسلام
والله يبارك فيك يارب كمان مره | |
|
nesma yousef
ليا كام مشاركة : 554 السن : 34 البلد : مصر تاريخ التسجيل : 15/08/2008
| موضوع: رد: اسئلة لا يجب ان تسال (بلهجة مصرية فكاهية) الجمعة 07 نوفمبر 2008, 02:28 | |
| ههههههههههههههههههه موضوع حلو اوى يا نور | |
|
noor
ليا كام مشاركة : 1436 السن : 35 البلد : مصر المطرب المفضل : عبد الحليم حافظ تاريخ التسجيل : 27/06/2008
| موضوع: رد: اسئلة لا يجب ان تسال (بلهجة مصرية فكاهية) السبت 08 نوفمبر 2008, 23:53 | |
| | |
|