انت غير مسجل بالمنتدى _ برجاء التسجيل لكى تتمكن من المتابعة معنا


 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 بابا مين ..ماما فين!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nesma yousef



انثى
ليا كام مشاركة : 554
السن : 27
البلد : مصر
تاريخ التسجيل : 15/08/2008

مُساهمةموضوع: بابا مين ..ماما فين!!!!   الجمعة 21 نوفمبر 2008, 04:56

جمل شهيرة فى البيوت المصرية


*ذاكر سعتنين بتركيز كأنك ذكرت اليوم كلو (الغريب اما تقعد تذكر سعتين يقولو و هي دي مذكره.


*مذاكرة ايه دا اللى على السرير.


*بلاش البرفان وانتى نازله.


*يا ابني تعالي اقعد معانا ولا انت ماجر اوضه جوه البيت ......

* ابقي نشف الحمام بعد ما تخرج منه.


* يا خويا ياراتك حافظ الدروس اللى عندك زى ما انت حافظ الاغانى كده .


* اعملى حسابك اول م الدراسه تيجى الرسيفر هيتشال هو
والتليفزيون.

*قبل الفجر:ارجع بات في المكان اللي انت جاي منه.


* لو كانت اللي علي التليفون طنط سلوي قوليلها ماما نايمة .


* ابقى قابلني بكرة تاخد بالجزمة وتاكل كل حاجة غصب عنك.


* يابنى حرام عليك هات قناة الناس الشياطين ماليه البيت.


* امشى جاتك مشش فى ركبك .


* جتها نيلة الى عايزة خلف تيجى تتفرج .


* متحطيش الموبيل جنبك و انت نايمه هيجبلك تخلف عقلي .


*ذاكر ياموكوس مش فالح غير فى الهيافه والكلام الفاضى.


* متتأخرش وهات عيش وانت جاى .


* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.


*ابقى ورينى مين حينفعك فى الاخر من شوية الصيع الى انت مشيلى وراهم .


* قوم اقرا لك كلمتين ينفعوك .


* وطي المدعوق ده شويه .


* مش ملاحقه علي التليفون ولا الموبيل عملالي فيها الست المهمه.


*برة البيت بتضحكوا وجوة البيت لاوى لنا بوزك ............ خلي شوية اصحابك الصيع ينفعوك.



*لما ما ترضاش تاكل في البيت:طبعا مانت اتعودت علي اكل بره .


* عيـــب ... لازم تحترم اللي أكبر منك .


* لو شفت خناقه ما لكش دعوة بيها .


* مين منى دي انتى كل يوم تصاحبي واحدة جديدة ؟.


* هياا الوزيرة معندهاش وزاره النهارده قومى يا حبيبتى الساعه10 .


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني . ديماً


* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


* وانت فاكر احنا مستنيين منك حاجه .


* المسلسل مش هينفعك ...قوم .


* ابقي قبليني لو فلحتي ...بس ديما مش بيقلوا نقبلهم فينّ!!! غربيه .


*مين اللي ساب باب التلاجة مفتوح.


* كفايه رغي في التليفونات .


* كل على مهلك .. وامضغ كويس ... وما تكلش وانت واقف .. وكل من قدامك ما تحفش .


* اطفي التلفزيون وقوم ذاكر ولا و خش اوضتك .


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


* ماتكلش فى ضوفرك.


*فلوسك بتروح فين يا هبله انتي بتصرفي على الصبيان؟؟.


*(مع ان الواحد كل سنة بينجح و رغم كدة يقولولك ابقى تف على وشى لو نجحت) كل سنة الكلام دة .


كنت فين لحد دلوقتى يا صايع.


* ماتتأخرش علشان عندك كلية بكرة بدرى.


* انا عارفة ازاى المك .


* انا : ياماما بقه ايه ده ؟؟؟
ماما:مووو لمـا يــــــخدك .


* ادلعى ياهبة فى ايامك المهببه .


* ده منظر اودة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* يأبنى المذاكره مابتخلص .... نفسى اشوفك مره ماسك كتاب.!!


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .و امشي جوا الحيط .


* احمد ربنا الاكل الى مش عجبك ده فى ناس مش لقينه .


*والله لو منضفتيش الشقه ومسحتيها ما في نزول النهرده .


* ابوكم كان دايم بيطلع الاول على الفصل... ' لما كلهم كده امال مين الى بيطلع الاخير '.

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟

** ملحوظة هامة ومش لازم ننساها **

طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه
تحية خاصة لكل الأمهات والأباء تحية شكر وتقدير 1`
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
noor



انثى
ليا كام مشاركة : 1436
السن : 27
البلد : مصر
المطرب المفضل : عبد الحليم حافظ
تاريخ التسجيل : 27/06/2008

مُساهمةموضوع: رد: بابا مين ..ماما فين!!!!   الجمعة 21 نوفمبر 2008, 18:06

ههههههههههههههههههههههههههههههههههههههههههههههههههههههههههه

والله يانسمه الكلام ده بيحصل فعلا فى كل بيت بس بجد هما ليهم حق عشان احنا نجن

وطبعا لولا ابوايا وامى انا ماكنتش هبقى بنى ادمه كويسه ومحترمه والناس كلها بتحترمنى ربنا يخليهم يااااااااااااااااارب وأقدر بس اديهم نص اللى عملوا معايا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nesma yousef



انثى
ليا كام مشاركة : 554
السن : 27
البلد : مصر
تاريخ التسجيل : 15/08/2008

مُساهمةموضوع: رد: بابا مين ..ماما فين!!!!   السبت 22 نوفمبر 2008, 06:47

طبعا يا نور ربنا يخليهم لينا يارب احنا لولاهم مكناش بقينا اى حاجة
مرسى لردك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Eman



ليا كام مشاركة : 1098
السن : 26
البلد : مصر
تاريخ التسجيل : 15/11/2008

مُساهمةموضوع: رد: بابا مين ..ماما فين!!!!   الخميس 27 نوفمبر 2008, 02:40

هههههههههههههه على فكرة يا نسمه انا فعلا ضحكت اوى و فعلا ده بيحصل بس زى مانتى و نور قولتله. لولاهم مكناش لبسنا كده او اكلنا كده او حتى وصلتى لمستوى تعليمك ده . و فعلا هما طالع عينيهم عشنا اووووى .فمنزعلش لو قالوا كده . ربنا يخليهم لينا كلنا يا رررررررررررب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nesma yousef



انثى
ليا كام مشاركة : 554
السن : 27
البلد : مصر
تاريخ التسجيل : 15/08/2008

مُساهمةموضوع: رد: بابا مين ..ماما فين!!!!   الخميس 27 نوفمبر 2008, 05:03

يارب يخليهم لينا يا ايمى
وميرسى على ردك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بابا مين ..ماما فين!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الفئة الأولى :: Collection :: KOMDYA-
انتقل الى: