ازاي تعكنن علي مراتك ادخل بسرعة طرق سحرية

ازاي تعكنن علي مراتك ادخل بسرعة طرق سحرية Taheyatayeba

الصبح ** وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى

** اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب
( ملاحظة : اغلب النساء ذو ثقافة كروية ضعيفة )

** اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

** فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

** لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات ..يراعى انك تتمشى فى البيت ولازم يكون فى ايدك شوكولاتايه ولا اى حاجه من اللى هى مش بتاكلها

** متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!

** لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم
ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

** لو الزوجة قررت مسح الارضيات فى البيت حاول انك تروح وتيجى على المناطق
المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

** لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

** وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!

وكفايا كدة عليهم هههههههههههههههههه

هههههههههههههههههههههههههههههههههههههههههههه. ماااااااااااااشى يا كابتن علاء . بس حلوة بتاعت الكيكه دى و الكوبايه المكسورة . بس عارف برضه مش هنزهق هى غلاسه و لا هنتعكنن لان اللى تطيع جوزها بيبقى ثوابها الجنه على طول حتى لو كانت تعبانه و بتموت برضه هستحمل . و خصوصا لو بتحب جوزها ياااااااااااه دا ربنا هيكرمها اووووى و يكون مثواها الجنه ان شاء الله . بس موضوع مضحك جدااااااااا :lol: :lol: . ميرسى ليك.

كده يا علاء .. تيجى منك انت .. والله كنت بحسبك طيب بس على رأى ايمى احنا مش بنزهق وعلى فكره بقى فى ستات هى اللى بتعرف تعكنن على ازوجها يعنى مثلا زى اول مثال لو كانت الزوجه نايمه والزوج عمل اى صوت علشان يصحيها هى ممكن اصلا تكون عامله نفسها نايمه ومتصحاش وتبقى واحده ب واحده هههههههههههههههههههههههههه :lol:

ولما هو عايز يعمل كدة يتجوزها ليه اصلا اللى يتجوز وحدة لازم يخليها ملكة فى بيتها تبقى حاسة انها اجمل وحلى واحسن وحدة فى الدنيا مش يعمل اللى مكتوب دة وبعدين معلومة مهمة جدا ... اللى هيعمل كدة اصلا مش هيرتاح لان مش هيلاقى ولا حب ولا طيبة من اللى هشتوف منه كل دة. شكرا يا علاء

هههههههههههههههههههههههههههههههههههههههههههه

والله انتم كلكم زى العثل

نورتم الموضوع

ايه الموضوع التحفه ده يا علاء بس لو مشى مع الناس كلها مش ممكن يمشى معايا وانت عارف نسمه بس هى اساسا متهنش عليا خالص وعلى رأى ياسر لو ناوى اعمل كده اتجوزها ليه اساسا ومش هنبقى فاضيين فيه اننا نغلس على مرتاتنا اساسا

حتبقى م فاضى انك تغلس على مراتك اساسا

اراهنك انك حتتمنى اليوم اللى تطبق فيه الموضوع ده يا كريم ههههههههههههههههههه

تسلم يا كريم

بقة كدة يا علاء كريم حيتمنى اليوم الى يطبق فيه الكلام ده !!!!!!!!!!!!!!!!
لالالا كريم حبيبى ومهنش عليه يعمل يعكنن عليا عشان هو اصلا ميهنش عليا انى اعكنن عليه
وعلى فكرة هو انت عندك مشكلة مع الجنس اللطيف شويه تعملهم حزام يسكتهم وشوية عاوز تعكنن عليهم فيه ايه ماشى يا علاء ميرسى لزوقك والله

ههههههههههههههههههههههههههههههههههههههههههههههههههههههههههههههههههههههه

ايه يا نسمة دا بهزر معاكى

وبعدين كريم مين ده شوفيلك واحد كدة يكون امور شوية

ههههههههههههههههههههههههههه

والله انا عارف لو كريم قراء اللى انا كاتبه ده ممكن يكسرنى

شكرا يا نسمة على ردك

ههههههههههههههههههههههههه

اه باين من كلامك انك فعلا لو فاضى حتسعدها

ههههههههههههههههههه

تسلم يا رامى

ههههههههههههههههههههههههههههههههههههههه
والله موضوع جامد اوى واكيد فى ناس يامه بتعمل زى ما انت بتقول كده هوايه عندهم يكنانو على مراتاتهم

شكرا يا علاء على الحوار الجامد ده lol!

نورت يا زهدى