توضيح لكل الاعضاء

بسم الله الرحمن الرحيم

ازيكم يا جماعة يارب تكونوا بخير .. انا هتكلم فى موضوع ناس كتير اوى دة لو مكنش كل الاعضاء اشتكوا منه .. اللى هو اخفاء الروابط ... اللى هو لازم ترد على الموضوع علشان تقدر تعمل دون لود للموضوع.. والله انا مش بحب كدة ولا عجبنى الموضوع دة بس انا هشرح الدنيا مشية ازاى علشان كلكم تفهوا انى مش قاصد كدة ولا حابب بس مجبر انى اعمل دة .. ركزوا معايا

دلوقتى عايزكم تعملوا تجربة معايا علشان اعرف اوصلكم قصدى

افتح المنتدى عادى واعمل خروج يعنى متكـتبش اسمك والرقم السرى بتاعك وخش عداى كأنك زائر مش عضو .. تمام كدة

جرب خش فى قسم الرياضة وخش فى موضوه ( هدف الاهلى و الزمالك ) حد يسألنى اشمعنى اقولة انى مش خافى الرابط بتاع الهدف . شوف بقى لما تخش الموضوع وانت زائر يعنى مش مسجل فى المنتدى .. هتلاقى نفسك تقدر تنزل الهدف عادى خالص وبعد كدة تروح او تنام او تقفل الجهاز بتاعك ... يبقى انا كدة عامل المنتدى سيبل بمعنى انى مش هعرف اجمع ولا عضو ً و طبيعى جداً انى احاول اجمع اكبر عدد من الاعضاء علشان يبقى دليل ل نجاح المنتدى بتاعى .. لو انا مخفتش الرابط ..كلة هيخش من غير ما يسجل ينزل اللى هو عايزة وخلاص على كدة .. وانا من حقى انى اعرف الموضوع اللى انا بعملة عليه اقبال ولا ملوش لزمة .

جرب بقى تخش فى قسم الافلام .. اى فيلم جرب تخش فيه واعمل دون لود هتيجى تلاقى كل حاجة موجودة معادا روابط الفيلم وهتلاقى مكتوب ( المحتوى مخفى _ رد علشان تشوف المخفى ) تيجى ترد علشان تشوف المخفى بقى .. كل دة وانت زائر مش عضو .. يعنى مش مسجل او مش داخل بأسمك ورقمك السرى ... تيجى علشان ترد تلاقى انه مينفعش ترد غير لما تسجل تروح مسجل ودة الوضع الطبيعى لأى منتدى .

عارف كتير هيقول ان معظم المنتديات مفهاش النظام دة .. انا عارف بس انا منتدايا أمكنايتة كدة يريت اقدر اخلى الاعضاء تشوف كل حاجة بس الموضوع مرتبط ببعض يعنى لو سمحت للاعضاء .. الزائرين يبقوا زيهم زى الاعضاء .. ودى امكانيات المنتدى ومش بئيدى والله بس اوعدكم لو حصل واتغير النظام دة هكون اول واحد اغير النظام دة ومحدش هيشوف كلمة رد علشان تشوف المخفى دى .... يا أما بقى ربنا يكرمنى واشترى منتدى بفلوس وطبعا دة بقى حاجة تااااااااااانية خالص وفى حاجات كتير حلوة .. وهعمل نقل لكلك المواضيع اللى هنـا وطبعا هقولكم اسم المنتدى وهنعمل فترة كبيرة علشان كلة يعرف الاسم التانى .. الكلام دة لو حصل وبقى عندى منتدى بفلوس يعنى اشترية من شركات بتسحب رصيد من الفيزا كارت وبتدينى منتدى بأمكنيات جبارة وطبعاً الاسعار بتبقى حسب جودة المنتدى وكدة يعنى.. المهم انى حبيت اوصلكم القصة دى علشان بجد مش بأيدى .. يمكن اقدر اتحكم بس هبقى بخرب المنتدى بأيدى لو سبتها فاتحه على البحرى كدة .. يارب ابقى عرفت اوصلكم وجهه نظرى

شكراً ليكم يا احلى اعضاء .... ادارة المنتدى

انا مش هتكلم على انى مديرة منتدى معاك لاء .. انا هتكلم أكنى عضو عادى انا شايفه ان كلامك صح لان لو مافيش رد مش هيبقى فى اعضاء اصلا فى المنتدى غير الاعضاء اللى بيشركوا بمواضيع .. يعنى حتى الاعضاء اللى بيردوا بس مش هيكونوا موجودين .. وأكتر المنتديات دلوقتى بتلاقى فيها (( المحتوى مخفى _ رد علشان تشوف المخفى )) .. وانا متأكده ان اعضاء المنتدى هيقدروا ده كويس . . شكرا لأدارة المنتدى

:lol: :lol: :lol:

فعلا عنك حق يا مان وكلامك صح

كلامك زى الفل تماااااااااااااااااااااااام كده

كلامك جميل جدا وياريت الناس كلها تبقى فهمت كده ومتديقش من كده

ماشى يا ياسر ..كلامك صح ..احنا معاك

الله ينور يا معلم

تمام اوى جدا