منك لله يا سجاير ..

منـــــــــــــــــــك لله دمرتينى وجبتيلى الفقر والسرطان

ومن اموالى جردتينى وغوتينى لسكه الإدمان

ما هى غلطتى إنى سمعت كلام واحد تلفان

صحبى عرفنى بيكي وسلمت عليكى وانتى مولعة

ما أنا حبيتك من أول نفس ولقيتك فى دماغى مشعشعة

فجأه إديها سبتنى ومن أول نفس غوتنى

مش دي اللي كانت بتنعنشني ومن أول نفس بتفرفشني

لكن وقت الشده سبتني وفى أخر علبه هنتني

عملت علشانك المستحيل لميت السبارس من البراميل

وسهرت أعفر لوحدي وشغلت بالي بيكي طول الليل

خليت الناس تتكلم عليا وتقول دا واد عويل

كنت وقت الشده محتجلك وفي الحزن عايزك جمبي

بقي أنا كنت زمان بشتاقلك وأدماني ليكي كان ذنبي

ليه بسرعه نستيني ولأمراضك خطفتينى

دا انا ياما سكنت بيتك وعلى صدري شديتك

طلعتك من مناخيري وفى النهاية بتخسريني

يا خساره إنى أشتريتك وعمري منسيتك ساعة

دليل لما خلصت الكبريت أشتريت بسرعه الولاعة

يا خسارة فلوسي وروحي للبقال لا حصلت روبى ولا الريس متقال

دا انا ياما في حبك سهرت ولما أتازمت أشتريتك فرط

وفي النهاية وبعد الغفلة ببعتلك حاجاتك ومعاهم البفرة

وكلمه واحده مش هتنيها اني هبطل اعيش بيها