انت غير مسجل بالمنتدى _ برجاء التسجيل لكى تتمكن من المتابعة معنا


 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 مااات الكلام ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
noor



انثى
ليا كام مشاركة : 1436
السن : 27
البلد : مصر
المطرب المفضل : عبد الحليم حافظ
تاريخ التسجيل : 27/06/2008

مُساهمةموضوع: مااات الكلام ..   الجمعة 20 مارس 2009, 12:21

آخر خبر مات الكلام والشعر تاهت خطوته
زي الحصان لما انجلد والجَلد ياكل قوته
وفـ برد ليل الظالمين القهر ينحل جلدته
زي الفقير لما الهموم قامت تفرتك جتته
أصل الفقير سيد الكلاب رافضه يعدي فــ حتته
مات الضمير من غير ضمير عاشق بينسى محبته
و فـ خط سير ماشي عليه رافض يعدِّل سكِّتُه
خايف يقول الآه فـ يوم للنار دي تحرق فرشته
خايف يقول الآه فـ يوم للسجن يصبح سُكنته
سايب حبيبته لويل وليل وماكنش يقصد كسرته
لاكِنّ فقر الحال وجيعة لكل شاب وأسرته
***
مات الكلام من غير كلام وسكوتنا أصبح رسمته
عيشة الحلال صارت محال والكل عاوز شهوته
كل اللي قال هيصة ومال عايزيحقق شهرته
كل اللي راد يحصل مراد بايع لدينه ودنيته
وان عاش شريف في الكون عفيف أحزانه تاكل كبدته
وعجوز قديم فكره السليم مشتاق بجد لآخرته
عيل بـِطِين بيسب دين والسب أصبح لهجته
راجل طويل زي النخيل بحرام يحقق رغبته
مع ست نغشة مدندشة فيها النظر جاب متعته
واهو راح معاها كما البغال شايل في جيبة فياجرِته
وِأَبو الرجال زي العيال طالع بيبكي فـ وكسته
فك اللجام في طريق حرام غمس فضيحته بسمعته
****
مات الكلام لما الكلام يعجز يحقق فايدته
تلميذ دروس واخد فلوس علشان يحلي مقابلته
جوه الكافيه على شيشة إيه راجل بيعزم شلته
بفلوس ابوه رايح يتوه بحشيشة تظبط أعدته
وبنات جميلة شعورها ليلة جيوبها عازت صحبته
ومدرسين زي الجراد الكـُل كـَل من مادته
عايز فلوس علشان يدوس الكل دوسة بجزمته
أصبح مهم انه يلم من غير ما يدِّي تلامذته
وتوقعات فيها الشتات وقديمة تصبح وصفتة
طالب همام أبداً ما نام كان كل فكره مذاكرته
رايد يحقق حلم أهله , نضيفة كانت سكـِّته
واهو جاب كتير مجموع كبير زائد دموعه وحسرته
إيه العمل لما انقفل تنسيقه موِّت فرحته
لما المكاتب نسـَّقِت واتنسـَّقِت ونجاحه يشبه إلـِّتـُه
ده أملنا يشبه للألم لما الألم زاد من أنينه ووجعته
أعمالنا طالعة مهببة ومتنيلة وإلهنا نزل رحمته
آخر الكلام مات الكلام لما الخلايق نسيته
آخر الكلام مات الكلام والشعر تاهت خطوته



انا اسفه جداااااااا لو فى كلام خارج ماينفعشى يتقال بس للأسف دى حقيقه احنا عايشين فيها وانا واثقه ان ماحدش يقدر ينكر ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Eman



ليا كام مشاركة : 1098
السن : 26
البلد : مصر
تاريخ التسجيل : 15/11/2008

مُساهمةموضوع: رد: مااات الكلام ..   الجمعة 20 مارس 2009, 20:29

يا ننوس عادى جداااا مافيش اسف و لا حاجه لانها فعلا حقيقه و من غير ما تقولى احنا اكيد عارفين و للاسسسسف ههههههه هى دى الحقيقه

بس برافو عليكى انك بتنيهى الناس على حاجه زى دى



ii
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nesma yousef



انثى
ليا كام مشاركة : 554
السن : 27
البلد : مصر
تاريخ التسجيل : 15/08/2008

مُساهمةموضوع: رد: مااات الكلام ..   السبت 21 مارس 2009, 00:10

موضوع حقيقى جدا يا نور
وبعدين متتاسفيش يا قمر
هو الى يقول الحقيقة يبقى غلطان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
noor



انثى
ليا كام مشاركة : 1436
السن : 27
البلد : مصر
المطرب المفضل : عبد الحليم حافظ
تاريخ التسجيل : 27/06/2008

مُساهمةموضوع: رد: مااات الكلام ..   الثلاثاء 24 مارس 2009, 02:57

انا بشكركم جداااااااااااااااا على مشاركتكم يا اجمل بنوتات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
YASSER
Admin


ذكر
ليا كام مشاركة : 1170
السن : 29
البلد : مصر
المطرب المفضل : تامر حسنى
تاريخ التسجيل : 02/04/2008

مُساهمةموضوع: رد: مااات الكلام ..   الثلاثاء 24 مارس 2009, 05:18

يمكن تكون حقيقة بس مش كل الحقيقة فى نسبة كبيرة اوى كدة وفى ظلم وافترى ... بس فى حاجات كتير حلوة وربنا كرمنا بيها ولو دورنا هنلاقيها . شكراً يا ننوس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://noor-yasser.yoo7.com
noor



انثى
ليا كام مشاركة : 1436
السن : 27
البلد : مصر
المطرب المفضل : عبد الحليم حافظ
تاريخ التسجيل : 27/06/2008

مُساهمةموضوع: رد: مااات الكلام ..   الخميس 26 مارس 2009, 02:05

العفو ياياسو

بس انا عايزه اقول ان الحلو مابقاش باين من كتر ما الوحش منتشر بس مش معنى كده ان الحلو قليل بالعكس خالص .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مااات الكلام ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الفئة الأولى :: Collection :: Poetry-
انتقل الى: