انت غير مسجل بالمنتدى _ برجاء التسجيل لكى تتمكن من المتابعة معنا


 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 بيض شم النسيم ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
noor



انثى
ليا كام مشاركة : 1436
السن : 27
البلد : مصر
المطرب المفضل : عبد الحليم حافظ
تاريخ التسجيل : 27/06/2008

مُساهمةموضوع: بيض شم النسيم ..   الإثنين 20 أبريل 2009, 03:29

كل سنة وأنتم طيبين.. كلها كام يوم وييجي شم النسيم وطبعا أنتم عارفين إن شم النسيم بيتميز بأكلات معينة جميلة جدا......

علشان كده قررنا ندخل المطبخ معاكم ونقدم لكم مجموعة هايلة من أشهر أكلات شم النسيم...

مش كده وبس ده فيه مفاجآت تانية كتير


يلا بينا على المطبخ



البيض الملون بأكتر من لون

أكيد كلنا يوم شم النسيم بنحب نفطر بيض ملون، والنهارده هنشوف مع بعض إزاي ممكن نلون البيض بأكتر من لون بطريقة طبيعية ميه في الميه باستخدام الأعشاب الطبيعية والخضروات والفواكه....






لو عايزه تلوني البيض باللون البنفسجي يبقى استخدمي عصير العنب المركز هتلاقيه في "السوبر ماركت" وضيفي إليه كمية كبيرة من ورق البصل الأحمر.

لو عايزه تلوني البيض باللون الأزرق يبقى استخدمي عصير التوت المركز هتلاقيه في "السوبر ماركت" وضيفي إليه ورق الكرنب الأحمر.

لو عايزه تلوني البيض باللون البمبي بدرجاته المختلفة وصولا للون الأحمر يبقى استخدمي البنجر الأحمر وضيفي إليه عصير فراولة مركز وقشر البصل الأحمر وكركديه‏.‏


لو عايزه تلوني البيض باللون الأصفر بدرجاته وصولا للبرتقالي يبقى استخدمي أوراق البصل البرتقالي أو قشر الموالح زي البرتقال أو اليوسفي وضيفي إليه الجزر المبشور أو الكمون أو الكركم‏.

لو عايزه تلوني البيض باللون الذهبي يبقى استخدمي قشر التفاح الأصفر وضيفي إليه أوراق البقدونس.

لو عايزه تلوني البيض باللون الأخضر يبقى استخدمي أوراق السبانخ والبقدونس.

لو عايزه تلوني البيض باللون البني يبقى استخدمي القهوة أو الشاي المغلي.



الطريقة:






دي أبسط وأسهل طريقة ممكن تعمليها علشان تحصلي على الألوان اللي أنت عايزاها...

1. هتسلقي البيض عادي جدا زي ما أنت بتسلقيه.


2. أثناء ما البيض بيتسلق هتملي إناء ميه وتضيفي إليه معلقة صغيرة خل علشان تثبت اللون، بعد كده تضيفي إليها أي إضافات من اللي إحنا قلنا عليها على حسب اللون اللي أنت عايزاه، وتسيبي الميه بالإضافات دي تغلي كويس أكتر من مرة علشان الميه تتلون باللون اللي أنت عايزاه. بعد كده اطفي البوتاجاز...

3. سيبي الميه الملونة لغاية ما تبرد وبعد كده ضيفي إليها البيض المسلوق وسيبيه فيها لمدة خمس دقائق أو لغاية ما تلاقي إن البيض اتلون بلون الميه.


تقديم البيض الملون بأكتر من طريقة

وعلشان يوم شم النسيم يكون فعلا يوم مميز في كل شيء دلوقتي هانقولك على أكتر من طريقة ممكن تستخدميها في تقديم البيض على السفرة يوم شم النسيم....

ممكن تجيبي طبق فاكهة أو حامل تورتة وتحطي فيه أوراق خس وبعد كده ترصي فوق أوراق الخس دي البيض الملون أو غير الملون






أو تجيبي طبق زجاج وترصي فيه البيض الأبيض وتحطي بين كل بيضة والتانية بعضا من الزهور زي ما أنت شايفة كده.




كمان ممكن تجيبي أصيص فيه نباتات خضراء وتحطيه على السفرة وتحطي فيه البيض غير الملون أو الملون.




وممكن كمان تجيبي أي سلك عندك تكوني مش محتاجة له وتلفيه على شكل عش عصفورة وتحطيه على السفرة وتحطي فيه البيض الملون أو غير الملون.




دي كمان طريقة جديدة ممكن تسخدميها في شم النسيم وهي إنك تجيبي براد الشاي وتحطي فيه مجموعة من الزهور الطبيعية أو الصناعية وتحطي بجوار براد الشاي مجموعة من الفناجين وتحطي في كل فنجان بيضة من البيض الملون اللي عندك وجنب كل بيضة تحطي وردة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nesma yousef



انثى
ليا كام مشاركة : 554
السن : 27
البلد : مصر
تاريخ التسجيل : 15/08/2008

مُساهمةموضوع: رد: بيض شم النسيم ..   الإثنين 20 أبريل 2009, 03:41

مرسى يا نور على الطرق الجامدة ديه وكل سنة وانت طيبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
YASSER
Admin


ذكر
ليا كام مشاركة : 1170
السن : 29
البلد : مصر
المطرب المفضل : تامر حسنى
تاريخ التسجيل : 02/04/2008

مُساهمةموضوع: رد: بيض شم النسيم ..   الإثنين 20 أبريل 2009, 05:04

الله عليكى يانور .. كل سنه وانتى طيبة وكل الناس طيبين بخير يارب .. انا نفسى فى فسيخ بببببببببببببببببببببقى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://noor-yasser.yoo7.com
Eman



ليا كام مشاركة : 1098
السن : 26
البلد : مصر
تاريخ التسجيل : 15/11/2008

مُساهمةموضوع: رد: بيض شم النسيم ..   الإثنين 20 أبريل 2009, 21:37

كل سنه و انتى طيبه يا ننووووووووووووس و الطريقه دى جامده و هاتى لياسر فسيخ حرام عليكى ههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
noor



انثى
ليا كام مشاركة : 1436
السن : 27
البلد : مصر
المطرب المفضل : عبد الحليم حافظ
تاريخ التسجيل : 27/06/2008

مُساهمةموضوع: رد: بيض شم النسيم ..   الإثنين 27 أبريل 2009, 04:36

ههههههههههههههههههههههههههههههههههههههههه نورتم الموضوع يا اجمل اعضاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بيض شم النسيم ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الفئة الأولى :: Collection :: Public Topic-
انتقل الى: