نرجــع نتــوه مــع الامريكــان

نرجع نتوُه مع الامريكان

إبداعنا ماتشين م التـُقـَال ...... فكـَّرنا بالمجْد اللي كان
كان الأداء آخر جمال ......... السامبا تاه قبل الرومان
معرفش ليه يابن الحلال .... نرجع نتوه مع لامريكان
عاده وأغرب م الخيال ..... مزروعه فينا ومن زمان

قلنا خلاص لعِّيبنا فاق ..... والروح ورجعِت للفريق
قلنا بقى حريف وداق .......... النصر وبحق وحقيق
قلنا يا ناس عاد البَهاء .... لفريقنا بعد ما كان غريق
لكن اللي شفناه كان خِناق .. ولا حد منهم كان بريء

لوغاريتم مالهوش أي حل ...... لعِّيبنا أصبح مُشكِله
أصبح حقيقي شيء يعِّـل ....... خللا دماغنا مبـَلبـِله
ساعه يكون حريف وفل ....... وساعه بيبقى بالبلا
معرفش ليه دايمًا يشـِّـل ...... لما يسُوق في القـَنـْدَله

خايفين نصرَّح أو نقول ........ بُكره نرُوح المونديال
ونأكد الفوز والوصول ... أحسن يكون شيء م الخيال
علشان أنا اللعيبه دوول ... يوم ناس كبيره ويوم عيال
لعيبه زي ام الخلول .......... في الجَد تِلـْبَد في الرمال

جميل اوى يا نور معاكى حق والله

حصل خير .. كاس العالم اهم .. جميل اوى يا نور

تسلموا لردودكم وفعلا كاس العالم اهم

حلو اوى او ى اوى يانور بس انا عاوز اقول حاجه لازم ننسى كاس القارات خلاص ونفكر فى تصفيات كاس العالم ولازم انشاء الله نوصول ونفوق بقى

وعلى فكره ياجماعه العيب فى العيبه نفسهم مش فى الجهاز الفنى

وهتقولوا بدلا ومش زى الاساس هقول شوفوا اسبانيا لما بتلعب بالبدلاء بتعمل اجمل شغل احنا اللى بندلع مش اكتر

واحنا برضه كسبنا فى البطوله ديه ان الخضرى رجع لمستواه وكفايه اتهام بقى وظلم الصحافه والتليفزيون والمنتخب نزل مستواه بسبب الازمه ديه

خلاص الراجل غلط والاهلى جابه وباعه ايه بقى المشكله ولا لازم نتكلم ونعمل موضوع ونقول لا ده غلط ونفرح انه اتهزم

كلام فاضى وده اللى ماخر العرب التفاهه

موضوعك رائع يانور وفعلا ياريت المنتخب يوصل المونديال ومانتوهش تانى وكلامك ده ممكن يصحى ناس كتير وحتى العيبه ويارب نفوق بقى

شكرااااااااااااااااااااااا جدا يا صفوت لمشاركتك الجامده جدا