رسالة موت على طريق كورنيش أسكندرية

بسم الله الرحمن الرحيم
===============
رسالة موت على طريق كورنيش أسكندرية
***********
عنوان مش مفهوم بس اللى خلانى اكتبه اللى شفته النهاردة على طريق الجيش اللى هو طريق الكورنيش
===============
بعد ما خلصت الشغل انا و اخويا و ابويا وكان يوم الحمد لله جميل
روحت على العربية بتاعتنا طبعا كانت كلها تراب بسبب الجو مسكت الفوطة وقعدت انضف فيها لحد ما بقت زى الفل
المهم ركبت فى الكرسى اللى ورا كالعادة وقعدت بقى واخدت وضعى رافع رجلى على الكرسى اللى قدامى اللى هو بتاع ابويا ومشينا بالعربية
والطريق كان زحمة جدا حاجة تقرف والله العظيم
المصيفين دول ينفخو الواحد
المهم طلعنا على البحر وكالعادة الطريق زى الزفت
مشينا واحدة واحدة لحد ما الطرق كله وقف مرة واحدة
الحاج احمد اللى هو ابويا بيقول لشريف اللى هو اخويا الكبير اللى مطلع عينى
اكيد دى حادثة و على الصف بتاعنا
قعدو يتكلمو كتير و انا مصدر الطارشة ليهم لانى كانت فى حتة بنت كانت فى العربية اللى جنبى عينى حطتلع عليها
قعدت فا سمعت صوت سارينة من ورايا قولت دى اكيد الاسعاف جت عشان تشيل اللى عملو الحادثة
ببص كدة لاقيتها عربية مطافى جاية عكس الاتجاه
قولت يلا دى اكيد حادثة جامدة اوى
المهم فضلنا ماشيين بالعربية لحد ما قربنا من مكان الحادثة وكل ده وانا راسى برة ازاز العربية
بعد ما قربنا من الحادثة ببص كدة لاقيت الاسعاف جت وعمالة بتشيل فى جثث ببص لاقيت عربية على الصف التانى من البحر وانتا رايح على محطة الرمل مدمرة
ومن الطريق اللى احنا ماشيين فيه اللى هو بيطلعك على سيدى جابر و الحتت التانية
انا دلوقتى بالتحديد عن جامعة أسكندرية قدام النفق اللى فى وش المسرح
ببص كدة على صفنا لاقيت ناس كتيرة عمالة تقول روح يمين لان الحاثة كانت على الشمال وانا ماشى روحت مطلع الموبيل الخربان بتاعى وصورت العربية الاولى وانا مطلع دماغى من الشباك وبصور لاقيت واحد بيقولى البقية تأتى
ببص كدة قدامى
لاقيت عربيتين مدمرين الاولى ماتريكس والتانية وحياة ربنا معرفتش ماركتها ايه من كتر اللى أتعمل فيها
سبحان الله
والاسعاف عمالة تشيل فى جثث والطريق واقف على الجنبين
وانا مزهول من شدة الحادثة

لا حول ولا قوة الا بالله

دى اخرت السرعة
استفادو ايه بقى غير انهم ضيعو نفسم و غيرهم معاهم

ليه كل لما يكون واحد راكب عربية احدثل موديل يعمل نفسه الواد اللى ملهوش زى بقى و البنات حتموت عليه
لما تشوفه متمكن من السواقة

سبحان الله

يلا ربنا يرحمهم

انا لله وانا اليه راجعون .. نفسى نعقل شوية ونهتدى بالله ونعيش حياة طبيعية من غير تخلف فى التفكير

شكراً يا علاء والله يكون فى عونك لانك شوفت الكلام ده

ربنا يرحمهم

وياااااااااااااارب استرها

الله يرحمهم وبجد يا علاء وادث البحر ديه بتبقى فظيعة

انا لله و انا اليه راجعون لا حول و لا قوة الا بالله
معلش يا جماعه ربنا يرحمهم و عشان كمان مصيف و الناس كتير انا كل لما بروح بصراحه عندكم فى اسكندريه بلاقى حوادث بس ربنا يسترها يا رب

يمكن عشان انا بروح ههههههههههههههههههههه فبتحصل حوادث مش قادرين يستغنوا عنى ههههههه لو مبرحش مش هيحصل حوادث تانى هههههههههههه

شكرا ليك يا علاء و ربنا يرحم امواتنا جميعا