هل ندمت يوما على صراحتك مع شخص ما ؟

هل ندمت يوما على صراحتك مع شخص ما ؟

الصراحة أساس لنجاح علاقاتنا مع الأخرين . الحياة الزوجيه , الصداقه , التعاملات المادية و غيرها من أمور
الحياة تقوم على الصراحة لكي تستمر بنجاح .

برأيك عزيزي العضو هل تحتمل كلمة الصراحة أكثر من معنى ؟ ما مفهومها الحقيقي بنظرك ؟

إلى أي مدى تكون الصراحة مجديه و مفيده؟

هل للصراحة سلبيات ؟ ما هي ؟

هل تخاف أو تتجنب مصارحة الأخرين بحقائقهم ؟

هل ندمت يوما ما على صراحتك مع شخص ما و تمنيت لو أنك لم تكن صريحا معه؟

ما موقفك من شخص صارحته بحقيقة ما غضب منك و أنهال عليك بما لا يرضيك ؟

برأيك هل هناك فرق بين الصراحة , الوقاحة و الجراءة بالحديث ؟ أرجو التوضيح

او لاً : وحشتينى .. والمنتدى كله وحشنى

ثانياً : الموضوع مهم اوى .

رأيى بقى .... الصراحة حاجة اساسية فى العلاقة بين اى انسان وانسان تانى مهما كانت العلاقة اخ اب ام زوج اى علاقة من اى نوع علشان تكمل او على الاقل ميبقاش فيها مشاكل لازم تكون الصراحة موجودة ولكن الصراحة فى بعض الاوقات بتبقى غلطة او كارثة .. يعنى بختصار ( الصراحة اساس اى علاقة بين البشر .. وفى بعض الاحيان يجب ان يتغاضى شخص عن الصراحة ليحل او يمنع حدوث مشكلة ) ..

شكراً يا نونه

اولا .. انت كمان وحشتنى جداااااااا

ثانيا .. يا سلام على ردك الدبلوماسى .. هو ردك حلو اووووووووووى بس انا عايزه رد على سؤال معين هل ندمت يوما على صراحتك مع شخص ما ؟

نورت الموضوع يا اجمل ياسو فى الدنيا

يا مواضيعك يا ننوس هههههههههههههه

بصى يا ننوس ........انا صريحه لدرجه غبيه اوووووووووى .. صراحتى دى ساعات بتودى فى داهيه و منكرش انى ندمت عليها بعد كده بس فى الاول كنت زى الهبله بصارح اللى قدامى و اتكلم عادى على اساس انى فى ثقه و انا واثقه فى الناس اللى بتكلم معاهم

بس فى حاجه.....الصراحه متعلقه بالثقه بمعنى ان لو انتى واثقه فى اللى قدامك اتكلمى براحتك و قولى الصراحه لكن لو مش واثقه اووووووووووعى و انا بقولها تانى اوووووووعى تفكرى انك تتكلمى الا كلام بسيط او تكونى حذرة من الكلام

انا عن نفسى حصلى مواقف مش موقف واحد فى ان فى ناس معينه وثقت فيهم و اتكلمت بكل صراحه و محاولتش انى اخبى اى حاجه على اساس انى عندى ضمير و اتفاجئت ان الشخص دا للاسف فهم صراحتى دى على اساس انها حاجه تانيه و بدأ ينقلها بشكل غير اللى انا كنت اقصده

و موقف تانى مع اخويا ....بالرغم انهم صحابى اوى بس عندى واحد متفاهم وواحد غير متفاهم ههههههه اخويا الغير متفاهم صراحته بموضوع عملته و كنت عاوزاه يقولى هل صح و لا غلط ....قلب الدنيا عليها واطيها هههههههههه لدرجه انى ندمت انى اتكلمت اصلا معاه و اكتفيت بالعياط بس الحمد لله الموضوع اتحل بعد كده

الصراحه شىء جميل جدااااااااااااااااااااااااااااااااااااااااااااا بس مش فى كل الاوقات و قبل اى شىءءءء ( ثق بمن تتحدث معه قبل ان تصارحه بأى شىء)

و ميرسى ليكى يا جميل و يا رب تكونى فاهمتى كلامى

لا يانور خالص الحمد لله عمرى ما ندمت على صرحتى مع حد وده توفيق وكرم من ربنا مش اكتر

_ فهمت كلامك جدااااااا يا ايمى والمهم انك تكونى اتعلمتى من اخطائك

_الحمد لله يا ياياسر وربنا يدمها عليك نعمه

الله ينور على الموضيع الهايله دى يا نور.
الصراحه هى اساس العلاقه بين اي طرفين فى كثير من مجالات الحياه.
فالندم من وجهه نظرى على الاختيار الغلط من الاول مش على الصراحه فانا لو اخطرت الانسان ده يكون صحبى لازم اتأكد الاول انه جدير بانه يكون صحبى وحيحافظ على اسرارى بعد ما اتأكد سعتها اقدر اكون صريح معاه.
على فكره الكلام ده عن تجربه حصلت معايا اتخدعت فى كلام جميل واما صرحته كان جرحى هو البديل. لانى اتسرعت فى انى اكون صريح مع حد لسه عرفه من فتره صغيره. فندمت على التسرع بس اتعلمت انى اقيم الانسان اللى قدامى الاول. يعنى ده ممكن يبقى زميل ، صاحب ، حبيبه ، صديقه ، معرفه مصلحه.
ويارب كلنا نتعلم من تجاربنا وتجارب اللى حولينا ومحدش فينا يندم على اي حاجه فى حياته. شكرا