YASSER Admin
ليا كام مشاركة : 1170 السن : 36 البلد : مصر المطرب المفضل : تامر حسنى تاريخ التسجيل : 02/04/2008
| موضوع: حسبى الله ونعمة الوكيل الخميس 31 ديسمبر 2009, 01:14 | |
| حسبى الله ونعمة الوكيل
انا عمرى ما انهرت زى دلوقتى اول مرة معرفش امسك دموعى واعيط قدام الناس فى الشارع اول مرة اتحسبن وابص لر بنا واقولة ياااااااااااااااااااااارب امشى من البلد دى .. حرام
انا فى الشغل قاعد عادى خالص لقيت برة فى الشارع زحمة وناس بتجرى طلعت لقيت عربية نقل شايلة عربيات الفاكهة والكارو .. يعنى عربية الازالة اللى بتمشى تدور على اغلب خلق الله علشان تقطع عيشهم .. المهم لقيت عربية اللى هيه بيقولوا عليها بوكس ماشية وراها وفيها ظباط بقى ورتب والناس الجميلة دى ولقيت عربية برتقال وموز بتجرى صاحبها فى سنى كدة بس من الصعيد بيجى ومرعوب ولا كأن يوم الاقيامة قرب وهو خايف يخش جهنم دخل فى شارع جانبى علشان يبعد عن الحكومة ويعرف بكرة الصبح يدور على عيشة ويصرف على نفسة والله اعلم امه و ابوه ... المهم دخل شارع جانبى يروح الظابط نازل من العربية ويقولة للمخبرين اللى معاه هاتولى العربية دى المخبرين بصو لبعض وقالولو العربية خلاص دخلت شارع جانبى صعب نجبها ( غلابة زيهم وصعبو عليهم ) الظابط مصمم هاتووووووووووهم .. جريوا على الشارع الجانبى انا من كتر الظلم اللى حسيتة سبت المحل وجريت معاهم علشان .. ؟ مش عارف علشان ايه ... المهم عربية الفاكهة بيجرى بيها الشاب بياع الفاكهة والبرتقال نصة وقع فى الشارع ولا فى دماغة حاجة عمال يجرى ودخل فى شارع جوه شارع والمخبرين وراه ( مينفعش يرجعوا من غير حاجة الظابط هيبهدل اهلهم ) لحد ما وصل للعربية والناس تقولة للمخبرين خلاص حرام عليكم وانا اقول لمخبر منهم يعنى البلد نضيفة اوى ودول اللى موسخنها وغير يقول حرام عليكم ده غلبان والناس كترت اوى بس بعيد عن الظباط فى الاخر وافقوا يسبوه بس يخدوا الميزان الميزاااااااااااان حسبى الله ونعمة الوكيل .. اخد مخبر منهم الميزان وماشى لقيت الشاب الفكهانى دة ساب العربية بتعتة وجرى عليه يبوس ادية انه يسيب الميزان اقسم بالله اكنه بياخد ابنه منه مش ميزان حديد .. ومفيش فايدة لازم يخدة مش علشان مفتر ى علشان مينفعش يرجع من غير حاجة للظابط بتاعة واخدة ومشى وقولنا للشاب الفكهانى احمد ربنا كويس انها جت فى الميزان مخدوش منك العربية رضى الشاب وكان جم اخواتة معاه وحضنوا بعض اكن بيتهم الملك كان هيتهد ولحقوا ... حسبى الله ونعمة الوكيل ... اخر حاجة بقى رجعت مع المخبرين علشان اشوف رد فعل الظباط لقيت شتمية و أدولك كاااااااام ووحياة امك منتا شايفها تانى يعنى العربية دى راحت .. طيب بص هاتلى دى بقى ؟؟؟ عارفين ايه دى عجلة اللى فيها صندوق ماشى بيها شيخ وراكبها وشكلة رايح يجيب بضاعة مش مخدرات لأ لو مخدرات كانوا سبوها عادى .. دى بضاعة يعنى شبسى بسكوت حلويات كدة يعنى ... وخدوها والشيخ قالهم حسبى الله ونعمة الوكيل ومشوا خلاص والمخبرين بيقولننا بعينهم ( احنا مظلومين منقدرش نقول لأ ) ...
انا كتبت الكلام دة وانا مش عارف اشوف كويس من دموعى
حسبى الله ونعمة الوكيل
عدل سابقا من قبل YASSER في الخميس 31 ديسمبر 2009, 01:30 عدل 2 مرات | |
|
Eman
ليا كام مشاركة : 1098 السن : 34 البلد : مصر تاريخ التسجيل : 15/11/2008
| موضوع: رد: حسبى الله ونعمة الوكيل الخميس 31 ديسمبر 2009, 01:26 | |
| لا حول و لا قوة الا بالله العلى العظيم و الله حسبى الله و نعم الوكيل فعلا يا ياسر
صلى على النبى ووحد الله و الله انا كمان بعيط دلوقتى
انت متعرفش قد ايه انا بيصعب عليا الناس دى لانهم بيشتغلوا و طالع عينهم بجد ما يجوا يشوفوا الناس اللى بتشحت عينى عينك فى المترو و سايبنهم جايين على الناس اللى بتشتغل ........ و زى ما بتقول شاب اكيد بيصرف على بيته و على امه و اخواته
ربنا يصبره و يعوضه خير يا رب
و الله ما حد بيفهم خااااااااااااااالص من الناس دى ....... حسبى الله بجد | |
|
noor
ليا كام مشاركة : 1436 السن : 35 البلد : مصر المطرب المفضل : عبد الحليم حافظ تاريخ التسجيل : 27/06/2008
| موضوع: رد: حسبى الله ونعمة الوكيل الخميس 31 ديسمبر 2009, 03:30 | |
| اهدى ياياسر (( منهم لله )) بس عايزه اقول .. الحاجات دى بقت طبيعيه جدااااا فى البلد اللى احنا عايشين فيها .. مابقاش فى اكتر من الظلم والقهر فى بلدنا اللى انت حكيته ده ياياسر يوجع اوى وفى النفس الوقت المفروض نبقى اتعودنا عليه اوى (( للأسف )) مافيش حاجه هتتغير ولازم الناس كلها تقتنع بكده مافيش بأدينا غير اننا نقولوا حسبى الله ونعم الوكيل .. وربنا على كل مفترى | |
|
Alaa
ليا كام مشاركة : 602 السن : 34 البلد : مصر المطرب المفضل : تامر عاشور تاريخ التسجيل : 07/04/2008
| موضوع: رد: حسبى الله ونعمة الوكيل الخميس 31 ديسمبر 2009, 06:50 | |
| ياعم صلى على النبى هى دى بلدك
وبعدين انتا لسة بتقولى النهادرة (( اللى ليه ده دهر ميضربش على قفاه ))
فكك يا عم ياسر | |
|