ليا كام مشاركة : 602 السن : 34 البلد : مصرالمطرب المفضل : تامر عاشور تاريخ التسجيل : 07/04/2008
موضوع: اول حلقات تهيسات واقعية ---- الأربعاء 12 نوفمبر 2008, 01:43
دي قصة خيالية يمكن تكون كوميدية بس اكيد في حجات فيها واقعية ملحوظة : لم اشاء اختياراسم لشخصية الرجل لاننا ممكن ان نشاهدها كل يوم في شخص مختلف . الرجل : يا تفيدة انتي يا ست فين ام الهدوم عايز انزل الشغل المراة : يقطع تفيدة وسنين تفيدة ال هدوم ال المعفن دة الرجل : بتبلطمي بتقولي اية يا ولية خلصي خليني اغور من خلقتك المراة : حاضر يا حبيبي اهو كنت بزعق للعيال الواد بياكل صباع اخوة الرجل : صباع اية بس يا ولية مهما اتعشوا من يومين هو كلي اسبو لازم يأكلوا المراة : اسبوع يا مفتري ربنا يرحمنا بقة الرجل : يوووووة لسة الالجاكت مقطوع مش قوتلك خيطية ديمن كدة كشولة المراة : يا حبيبي مهو الضمان بتاع الجاكت خلص ودية التوكيل احسن الرجل : انتي هتتريقي عليا هي نقصاكي المراة : مش هتاخد سندوتشات مكرونة الرجل : مكرونة انتي لسة عايشة في جو سندوتشات المكرونة المراة : اسفة يا حبيبي نسيت اعملك سندوتش كفيار الرجل : انا ماشي احسن المراة : روح ومترجعش فقرتنا معاك الرجل وهو نازل يقابل جارة عطوة تاجر المخدرات المحترم ويدور الحديث دة الرجل : ازيك يا حج عطوة مبروك الافراج عطوة : الله يبارك فيك دي قضية فشنك شوية مخدرات ملهاش اي لازمة كدة الرجل : المهم انت يا رجل عطوة : بس تصدق اني خسرت فيهم بتاع 200 الف جنية الرجل : طيب ممكن طلب يا حج عطوة عطوة : اؤمر ياباشا الرجل : ينفع اشتغل معاك بعد الظهر اجي امسك حسابات المخدرات بتاعتك يمكن طربة حشيش تضيع كدة ولا كدة انت عارف ولاد الحرام بقة عطوة : تصدق فكرة وكمان بي المرة اعمل مخزن وشركة واسميها مخدرات عطوة بالتقسيط الرجل : وكمان نعمل سجل تجاري علشان الضرائب انت عارف الحكومة بقة عطوة : برضة فكرة وكمان اعين معايا محامي علشان القضايا بتاعت صبياني يسلم الرجل علي جارة ويقوم يجري علشان ميتأخرش علي شغلة ويركب الرجل الاتوبيس كالعادة وفي الاتوبيس المفاجاءة بائع متجول في الاوبيس وحدوووووو لا اله الا الله معايا ولاعة بتولع لي وحدها ولع في مراتك ومعايا سكينة يلا ادبحي جوزك وخلصي علية سكينة حامية وبتقطع بسرعة ومعاها هدية 5 شنط بلاستيك سودة ويدور الحديث بين الرجل والبائع البائع : خد يا افندي ولاعة انما اية ملهاش حل وفيها نور الرجل : شكرا معندناش بوتجاز اساسا البائع : يا افندي خدها يمكن تفتكر في يوم تشترية الرجل : ياعم اطلع من دماغي هي ناقصاك ال ولاعة ال البائع : انت اللي خسران والبقية ....... العدد القادم
موضوع: رد: اول حلقات تهيسات واقعية ---- الخميس 29 يناير 2009, 06:56
هههههههههههههههههههههههههههههههههه حلوة والله يا علاء موضوعك جميل
Alaa
ليا كام مشاركة : 602 السن : 34 البلد : مصرالمطرب المفضل : تامر عاشور تاريخ التسجيل : 07/04/2008
موضوع: رد: اول حلقات تهيسات واقعية ---- الجمعة 30 يناير 2009, 04:11
تسلم يا رامى والله وحشتنى اوى ونفسى اشوفك معلش انا عارف انى مقصر معاك شوية بس والله مشغول اوى
تسلم يا باشا على الرد
noor
ليا كام مشاركة : 1436 السن : 35 البلد : مصرالمطرب المفضل : عبد الحليم حافظ تاريخ التسجيل : 27/06/2008
موضوع: رد: اول حلقات تهيسات واقعية ---- الجمعة 30 يناير 2009, 20:25
ههههههههههههههههههههههههههههههههههههههههه موضوع جميل يا علاء وفعلا الحاجات دى بتحصل فى حياتنا حقيقى الله يكون فى عون الناس دى .. ازاى بيعرفوا يعيشوا كده
شكرا يا علاء
Alaa
ليا كام مشاركة : 602 السن : 34 البلد : مصرالمطرب المفضل : تامر عاشور تاريخ التسجيل : 07/04/2008
موضوع: رد: اول حلقات تهيسات واقعية ---- السبت 31 يناير 2009, 01:16