شاب ينتحر فى الإسكندرية لفشله فى العثور على عمل

يوم الاربع اللى فات كان عندنا ضيوف تبع والدى اتعرف عليهم من السعودية فى رحلة العمرة الحاج يحى و اولاده و حفيده اللى بمووووووووووووووت فيه
فجاة بعد ساعة تليفون بنته بيرن الساعة 1.30 الصبح فضلت تقول (( مات ازاى مات امتى ازاى حرام ليه كدة )) جالها حالة هيستريا
بعد ما هديت سألناها فى ايه قالتلنا نور اللى كان شغال معانا بقاله اكتر من 12 سنة من يوم وقفة العيد مش لاقينه وامه اتصلت بيا عشان ادور عليه ومش لاقيته
فى يوم الناس ماشية جنب المحل بتاعنا اللى احنا مأجرينه لنور شمو ريحة وحشة فا قاله اكيد حاجة ميتة بعد كام يوم الريحة بدات تكبر وتفوح جابو الشرطة
فتحو المحل لاقوه شانق نفسه

بعد كدة راحت المحل عشان تعرف اللى حصل لقت نور شانق نفسه وجسمه مفصول 3 أجزاء و وارم
رجعت لينا الساعة 3.30 لانها كانت سايبة ابنها عندنا بنسالها هو شنق نفسه ليه بتقول كان مرتبط ببنت وكان بيحوش معاها فلوس كل شهر عشان يفتح المحل بيسيب معاها 1300 من 1600 جنيه من اكتر من اربع سنين
فابيسالها معاكى كام دلوقتى بتقوله معيش ولا شلم (( البنت و امها نصبو عليه )) ويوم الحادثة اللى كان يوم الوقفة اخوه كان ضربه لانه نزل الشغل متأخر
وراح المحل اللى احنا مأجرينه ليه وشنق نفسه ......

====================================

ده نص جريدة المصرى اليوم

عثر عدد من العمال بمنطقة المنتزه بالإسكندرية على جثة شاب معلقة داخل أحد المحال، تبين أنها معلقة فى حبل مربوط فى السقف، أفادت التحريات بأن الضحية يعمل فى المحل، وكان يمر بظروف نفسية سيئة لفشله فى افتتاح محل كوافير خاص به، فصنع لنفسه مشنقة وأنهى حياته.

تلقى اللواء خيرى موسى، مدير أمن الإسكندرية، بلاغاً يفيد بالعثور على جثة نورالدين حمدى محمد «٢٤ سنة» دون عمل داخل محل بالعقار رقم ٤٧ شارع القاهرة، دائرة قسم المنتزه، وبالانتقال والفحص وجدت جثة المتوفى معلقة بسقف المحل مرتدياً كامل ملابسه، وبسؤال بعض الشهود أكدوا أن المتوفى كان يمر بظروف نفسية سيئة بعد أن فشل فى الحصول على عمل أو افتتاح مشروع الكوافير الخاص به.

تحرر محضر بالواقعة وأحاله مدير الأمن إلى محمد الفقى، مدير نيابة المنتزه، الذى أمر بتشريح جثة المتوفى لمعرفة أسباب الوفاة والتحفظ على الحبل المستخدم وسرعة إجراء تحريات المباحث حول الواقعة وسؤال أفراد أسرة المتوفى.

==================================